- Oct 12 Sun 2008 23:22
晚餐
- Oct 11 Sat 2008 23:20
攪攪雜糧包
- Oct 01 Wed 2008 23:52
10月1號國慶節及煙花大匯演再加眾人生日PARTY
今日10月1國慶節，大家一班為食貓上來我屋企，一D就第一次來，一D就來過幾次，其實今次最重要既目的就係同各位慶生日及要證實一吓究竟我屋企係睇唔睇到煙花
好...先去片...是日晚餐
- Sep 29 Mon 2008 23:53
牛油蛋糕
早幾日好有MOOD諗住開爐焗蛋糕仔，因為都有好幾個月都無用過個焗爐了，同埋搬咗去新屋都要開吓爐既，點知準備好晒D材料一PREHEAT個爐大約5-10分鐘到個電箱就跳掣，佢唔係跳FUSE掣而係跳水線掣，即時打比老公個外甥仔問佢發生咩事，因為屋企個新電箱係佢幫我地換佢應該好清楚個電箱既問題所以佢應該知咩事，點知佢話如果係跳水線掣就應該係個焗爐漏電....吓，個爐我好小用而且又咁新點會漏電架，幾個月前係舊屋都有用過都無事，心諗會唔會係新屋既電壓唔夠呢，但外甥仔話搬屋時整鬆咗D零件都有可能架....最後都係穩陣D拎返去代理到CHECK一CHECK佢。
- Aug 09 Sat 2008 02:17
累死了
真係超累呀，由PACK嘢搬去新屋，到係新屋UNPACK所有嘢足足玩咗我成個星期，都唔明點解一家3口都可以有咁多嘢既呢
去到新屋我都要掉好多嘢先可以完部安置好晒呀，依家先可以叫做完成晒成個搬屋既過程，終於都可以將所有嘢安放好晒，間屋先叫見得吓人咋
- Aug 03 Sun 2008 01:54
搬屋
老公係星期三突然間話不如哩個星期日搬屋，所以即刻打
比EV因為佢早前都搬完屋而佢幫襯的搬屋公司幾好幾有效率同交帶所以一於搵哩個洪先生幫我地搬，星期三同佢聯絡星期四佢就送咗20個紙箱去我舊屋到，我地以極速既時間係哩2-3日內將舊屋所有嘢PACK好晒，好在上個星期我已經開始PACK緊我地D衫先，如果唔係就真係唔知點算啦...
不過其實都係趕唔切，已經PACK到無訓過咁濟，原本洪生話1點到來，點知佢11點幾就來到了，我地仲係到PACK緊嘢，咁佢就同D伙記將我地已經PACK好既就上咗車先啦，點知佢地搬好晒我地都未執完，佢真係好好人叫我地慢慢執，仲幫手執埋一份，原本佢比20個紙箱我，一早已經唔夠用，佢就再拎D紙箱比我地用，一路執一路加箱，佢好多嘢都問我地要唔要，我地都未決定要定唔要佢已經話唔好理啦搬埋過去新屋先啦，依家起碼有佢地幫我搬過去如果唔搬第時想要就只有自己搬架啦，去到唔要先再掉啦...佢真係好人一個呀
- Jul 30 Wed 2008 01:36
入伙日
始終d傢俬都係趕唔到7月尾送來，所以無辦法唯有做咗個入伙儀式先啦!!!
今日一早就去買掃把，同買入伙百寶，之後等係吉時就煲水做個風生水起，點知今日又撞岩送洗衣機來，咁唯有等師傅裝好洗衣機先做啦，點知裝洗衣機時出事，原來我個大容量既洗衣機係要用兩條入水喉既，我真係未聽過入水都要兩條喉，師傅話一條係for凍水一條係for熱水喎，我又咩都唔識老公又去咗做其他嘢，師傅話佢可以幫我換過個新來水喉不過公司要收$450，我亦都可以自己叫裝修師傅換，換好佢先再來過同我裝機，不過我唔想拖了，$450就豪比佢啦，因為我怕我個裝修師傅裝完佢都未必岩用費事到時兩邊都要比錢呀
麵包 (4)