close
早幾日好有MOOD諗住開爐焗蛋糕仔，因為都有好幾個月都無用過個焗爐了，同埋搬咗去新屋都要開吓爐既，點知準備好晒D材料一PREHEAT個爐大約5-10分鐘到個電箱就跳掣，佢唔係跳FUSE掣而係跳水線掣，即時打比老公個外甥仔問佢發生咩事，因為屋企個新電箱係佢幫我地換佢應該好清楚個電箱既問題所以佢應該知咩事，點知佢話如果係跳水線掣就應該係個焗爐漏電....吓，個爐我好小用而且又咁新點會漏電架，幾個月前係舊屋都有用過都無事，心諗會唔會係新屋既電壓唔夠呢，但外甥仔話搬屋時整鬆咗D零件都有可能架....最後都係穩陣D拎返去代理到CHECK一CHECK佢。
老公辛苦你喇...
25號收到代理打來既報價電話，佢話連埋CHECK機+更換上下發熱線收我$350，學CIN姐話齋個爐咁貴就當然要整啦，所以$350我覺得一D都唔貴
今日老公放假所以打比佢叫佢幫我去拎返個爐返來，原本佢唔肯架，因為佢出咗街又無帶張單係身，如果要去拎爐就要先返屋企拎返張單再出去，平時既佢一定唔會肯囉，點知今次有奇蹟，放工一返到屋企就見到個爐放咗係廚房，可能老公知我想10月1用個爐來整嘢，所以都肯幫我拎返嚟，之後當然係急不及待搵食譜開料試吓個爐先
唉...真係太耐無整蛋糕了，加上又搬咗屋，總係好似拿手唔成勢咁，又唔知D嘢擺咗去邊，又落錯粉，原本應該係落發粉點知落錯咗梳打粉，唔怪得個蛋糕有D怪怪地味同咁樣衰啦
真係要整多幾次先得啦..
全站熱搜
留言列表
麵包 (4)