close
始終d傢俬都係趕唔到7月尾送來，所以無辦法唯有做咗個入伙儀式先啦!!!
今日一早就去買掃把，同買入伙百寶，之後等係吉時就煲水做個風生水起，點知今日又撞岩送洗衣機來，咁唯有等師傅裝好洗衣機先做啦，點知裝洗衣機時出事，原來我個大容量既洗衣機係要用兩條入水喉既，我真係未聽過入水都要兩條喉，師傅話一條係for凍水一條係for熱水喎，我又咩都唔識老公又去咗做其他嘢，師傅話佢可以幫我換過個新來水喉不過公司要收$450，我亦都可以自己叫裝修師傅換，換好佢先再來過同我裝機，不過我唔想拖了，$450就豪比佢啦，因為我怕我個裝修師傅裝完佢都未必岩用費事到時兩邊都要比錢呀
哩個師傅足足都攪咗成個幾鍾總算攪掂，好在今日入伙既吉時都好長吓，所以佢一走我就即時煲水啦，我無學Ivy咁係個廳到煲水，我都係係返廚房到煲咋，不過就拎埋把風扇入去吹囉....之後就走出去門口到洒d散子落地，再用掃把掃返晒入屋，由廳掃到入房呀，哩次仲唔旺屋...
全站熱搜
留言列表
麵包 (4)