今日收到廚櫃公司電話，佢話我個廚櫃已經造好了，可以明天送貨去我屋企，之後18號就有師傅上來同我裝
真係快手同有信用，佢話2-3星期起貨就係起到，可能佢知道我趕入伙所以造快d
記得我5月同6月都上過去哩間廚櫃公司，老闆娘都好好人唔嫌我未有生意比佢做都招呼咗我好耐，叫我收到鎖匙再上去搵佢
好6月30我終於都再上去搵佢，其間我只係去睇過另一間既廚櫃公司，我係一心搵佢做既所以都無咩出去第二到睇，因為好多都係門面做得好好，好靚，但到起貨比你時就兩回事...所以我收到鎖匙之後就再搵佢，我指明要某一位師傅(即係老細)上來同我度尺，佢要收$500度尺費，到時唔比佢做的話都可以用來買嘢
哩位師傅係老師傅來的，上去見佢幾次都同客人畫緊圖，佢唔係現代化既師傅所以唔識用電腦，佢係用人手畫圖既師傅，舖面亦貼滿好多佢曾畫過既設計圖出來，可以證明佢都幾多人幫襯，所以信心都大d
好緊張聽日就送櫃來唔知個效果會唔會深色得濟呢
全站熱搜
留言列表
麵包 (4)