- Jan 24 Fri 2014 22:25
今晚食乜餸
- Jan 23 Thu 2014 11:43
還神
今日還咗神，心安理得過新年！
- Jan 19 Sun 2014 19:05
妹豬覆診
今日同妹豬去覆診，曾醫生話佢都好叻女，情況都好穩定，雖然行唔到但佢都好精神，而我亦打理得佢好乾淨，起碼無比佢啲尿醃到皮膚損爛，暫時食埋2日杜蟲藥就只需要食清炎止痛藥，打骨針同食骨骼補充劑就可以了，基本檢查發現佢左邊耳仔有少少耳垢，由於佢左邊身已唔靈活所以佢唔可以好似以前咁自己清理到，所以我要定期幫妹豬清理耳仔。
大致上都無咩問題，3個月後先再覆診。
- Jan 09 Thu 2014 23:35
再試Simplylife
- Jan 01 Wed 2014 11:52
2014年1月1日祝大家新年快樂，事事順境，身體健康🎉🎉
今年都係希望自己同老公事事順境啦，一家人👪身體健健康康，尤其是妹豬🐰要更加加油💪不竟都已經9歲幾了👵，我無咩要求只係佢唔好有任何痛苦就已經好滿足了😊希望願望實現啦🙏🙏
- Dec 31 Tue 2013 23:17
大除夕晚餐@Simplylife
- Dec 26 Thu 2013 22:12
妹豬轉院
今朝一早教定鬧鐘8:30起身9點打去大圍預約緊急轉院，點知佢話要收到依家間醫院醫生個病歷先可以做，咁我即刻打去旺角醫院同姑娘講咗要fax病歷去大圍，姑娘話要去見埋醫生先可以寫埋個病歷，咁無計我即刻過嚟見醫生順便攪埋出院手續，我再打去大圍通知姑娘話我要去見完醫生先可以fax到去大約10點前會去到，咁請妳留意吓如果收唔到病歷就盡快打比我我再跟進，去到旺角醫院第一時間見完醫生講返妹豬依家情況都係同琴日咁上下，之後就幫我寫埋個報告，我叫姑娘即刻幫我fax去大圍，之後我打去大圍通知我地依家馬上過去，點知大圍姑娘覆我話今朝booking full晒最快要下午2:30，我話我今朝一早打咗嚟話咗係急診你唔係幫我留咗位咩，我都一直同你地keep住講妹豬個情況你地都知有個咁嘅case啦，佢話因為未收到個報告所以無留位，我話唔係嘛我已經通知晒你地我情況我已經第一時間去攪啦，都話明攪完即刻過嚟你係唔係都應該留定個位比我先呀，我哩邊又已經check out晒，佢話無辦法因為未收到報告，我問有無得urgent case躡個位呀，因為佢地全診所都知道妹豬哩個case架，我打咗好多次電話去，佢死都話唔得最快2:30，我真係頂佢呀，火都嚟晒，如果係咁同我講咁多次電話你係唔係應該問吓我又或者幫我留定個位先呀，我已經唔揀醫生是旦一個都照睇啦，因為老虎醫生放假...好在妹豬情況唔係太差已穩定啫，連人地旺角醫院嘅姑娘都話佢地咁做嘢嘅，都唔識變通，唉!我都無嘢好講，唯有又麻煩旺角醫院幫妹豬再set返鹽水機先，再安置返妹豬上病房，我同老公就只好去食早餐...
到1:30再返去醫院接妹豬，之後打的去大圍，今次睇Dr. Seems曾醫生，好在睇佢，因為平時除咗老虎醫生之外我只會睇佢...
- Dec 25 Wed 2013 23:52
好難過嘅聖誕節
原本我同老公已經開始放緊大假，但今日應承咗客人陪佢地過澳門所以今日都返咗工，今日11點多出門同老公去食個早餐先返公司準備坐3點船出發，老公就食完早餐返屋企2點幾就出門去旺角整電話，而阿仔就瞓到自然醒啦大約3點上下，點知阿仔梳洗完無耐佢聽到妹豬係廁所發出聲響以為佢又攪事反草兜，之後佢走去睇佢但就見到妹豬係櫃底碌來碌去仲碌到去廁所門口，當時佢見到妹豬4隻腳伸到直晒同埋條頸向後昂起咗，所以佢即刻打比我話我知妹豬好似抽筋。
- Dec 23 Mon 2013 13:12
一年一度送給我的聖誕禮物，多謝晒！
麵包 (4)