close
原本今年諗住咩月餅都唔整，因為真係好無mood，太耐無整嘢食又唔想咁大工程整咁多月餅，又驚d屋企人同朋友仔年年都食我整既月餅都會食到怕，所以一直都無諗住整....
點知到咗星期五晚同d兔媽們食飯時，有d兔媽問我今年整咗d咩月餅，我答話無，佢地都覺得好奇怪點解會無....
我話因為無mood又懶唔想整囉，如果今年真係整我都只會整潮州月餅一種，因為廣式同冰皮月餅每逄中秋節個個都食到怕怕了....
好....比兔媽挑起我條引即時好有衝動，星期六同Tommy仔返完英文班即刻走去街市買芋頭整咗芋茸先，到星期日再整個皮先再開鑊炸....
終於星期日完成咗我個潮州月餅，我打比我哥叫佢上來拎月餅，佢問我仲咩他月餅呀，我話無喇整咗一種咋，點知佢話點解整一種咁少呀，點解唔整冰皮呀....我話哩 d 年年都整，點知我哥竟然話我地就係鍾意食冰皮，鍾意食妳整既月餅(可能係氹我先咁講)，妳年年都整今年做咩唔整呀，妳個姪仔姪女等咗好耐都未有得食，我話咁佢地想食又唔出聲，佢話一早已經同妳講咗喇妳自己唔記得之嘛....(其實真係有講過架，不過係同佢表哥/表弟(Tommy仔)講囉，咁我以為佢講吓之嘛....所以就係因為咁我就為我哥同姪女姪仔即晚整好個奶皇第二晚再整埋個皮，今日先完工.....
好收爐了....明年再見....
老實講，聽到我哥咁講我都覺得好開心架，起碼我一番心機整既嘢食都有人欣賞嘛.....
好....出發去阿哥到食飯，順便拎埋 d 冰皮月餅過去氹吓姪女姪仔又氹吓自己先.....bye bye....
全站熱搜
留言列表
麵包 (4)