close
事緣上次我地再戰泰國私房菜後，一班朋友仔已約好10月1號再來一次順便可以睇煙花，所以我地一早(6月尾)已經同店主Peter book好場地....
由於今次係有煙花睇所以Peter亦要求每人要多付$50元for煙花匯演，即係每位$250，講真又唔係你自己放既煙花只係妳個地方個view可以看到煙花咁解，不過你係做生意既，又有咁既賣點.....好，我地無問題就每人比多$50睇埋煙花囉....出去租間酒店睇都要比錢喇，係到又有得食又有得睇都無防....咁我地就book咗13個大人3個小朋友，e....有小朋友咁點收錢法呢?因為小朋友實質上食唔到佢d泰國菜喎，因為全部都係辣既，會唔會有另一d安排可以比小朋友食呢，都係打電話問清楚Peter好 d，Peter問我小朋友有幾大，我話一個歲令一個五歲一個九歲，咁佢話如果係咁佢可以唔收錢炒一個唔辣既飯或者粉比小朋友，我話咁好真係多謝晒呀....果時都覺得佢幾好人....
前幾日Peter突然打比我老公，話佢業主大幅加租，所以佢都要將成本價略為提高，咁提高幾多呢.....
私房菜由9月1號開始每位由$200加到去$230，而煙花匯演就由每位$50加到$70.....即係每位一共$300，咁老公話要問問朋友先再覆佢....係老公同我傾既時候我地都有諗佢係唔係依家又有人想要佢個場，而出個價錢高過我地所以加我地價呢，咁我好小人之心諗都有咁既可能架，老公話唔通問佢拎張租單出嚟睇吓係咪真咩....不過唔好理喇，照問吓d朋友仔先啦，睇佢地點囉....
好...朋友仔志在有得出來玩同可以聚一聚所以比多$50都唔係問題，不過老公話Peter同佢傾時無提過有小朋友所以驚佢唔記得我地有3位小朋友，咁我話佢再打比你時你記得再同佢講返我地有3個小朋友而佢之前應承唔收錢炒個飯或者粉比佢地食架....
今晚Peter再打比老公問我地有無問題，以下係佢地既對話
老公 : 無問題$300我地ok，不過我地有3個小朋友架喎你記唔記得?
Peter : um...唔係好記得，咁3個小朋友有幾大呀
老公 : 一個兩三歲兩個六七歲，係唔計人頭錢架嘛
Peter : 哦.....(考慮中)
老公 : 咁3個小朋友食唔到你d咩，因為你d全部都係辣嘢同埋3個都係好細個呀
Peter : 咁d小朋友真係無嘢食架喎
老公 : 其實佢地唔食都得，志在跟埋嚟啫
Peter : 咁我可以炒個飯比佢地食就總共收返$100，因為炒飯我都要落料去炒
老公聽完都打個突，老公話咁好喇我同佢地再講返喇....
之後老公打比我話Peter話個炒飯要收返$100，我話攪錯呀，咁你做咩唔同佢講係佢自己最初應承我話唔收錢架，老公話覺得佢依家樣樣都講錢，一味向錢看，我就把鬼火，比Peter個電話我，等我同佢講....
以下係我同Peter既對話....
我 : Peter，我係林太亦即係林小姐
Peter : 係
我 : 我想話呢當初係我同你落booking既，不過之後我比咗老公同你跟因為佢同你熟d，但你記唔記得我當初同你講時你應承我兔費炒個飯或者粉比小朋友係唔收錢架，你依家要收我$100，之前又加價我好難同朋友交待架....
Peter : 態度180度轉變，我已經收平咗你地架喇
我 : 吓....你點樣收平我地呀，你都係照你開個價去收之嘛
Peter : 咁我由9月1號開始已經加咗價喇
我 : 我知你9月1加價不過係早幾日先知，但我地係6月同你落booking架喎，你依家私房菜加多$30睇煙花加多$20呀嘛，咁我都係比咁多丫你邊有收平我呀
Peter : 我唔怕老實同你講，10月1有其他人想要我個場，出既錢仲高過你地添，你唔好將個focus放係果$100到
我 : 喂...Peter，哩個價係你出既，講真我地嚟係食你個地方啫，你話加到$300我地就比$300，咁我都要同朋友交待架，我要係朋友仔個forum到出公告架，你咁樣好失信於人囉
Peter : 如果係既我一早可以同林生講我唔做添啦
我 : 咁你當然有權唔做我地生意，只不過你唔好口口聲聲都話收平咗我地囉，其實你係一毫子都無平過比我地架...(我心諗，唔好講到我好似要死lur咁呀)
Peter : 你唔好將個focus放係果到
我 : 唔係我要放係邊到既問題，而係你一開始就話收平咗我地，咁你係邊方面收平咗，(我心諗....係你個客開出來個offer大過你開比我地個價，又因為我地book先而最後我都無問題，所以你賺少咗但哩d唔等於收平過我喎....)真係越講越嬲....
Peter : 既然係咁你咁唔開心，咁你地嚟食都唔會開心架喇，咁不如唔好嚟啦 (終於都講出口)
我 : 好....唔緊要，如果你認為你做生意做到咁係岩既，咁我祝你生意興隆囉，我地唔嚟食喇，你去做你既大生意啦，我地個booking取消喇....(cup鬼佢線)
後記 : 做人同做生意都一樣要過得人過得自己，比你賺到哩一畢錢咁又點啫，咪受盡我地既責罵囉....做生意係要講誠信既，你連哩少少都無只顧向錢看，咁你做人同做生意都係得一句.....不知所謂!!!
其實個炒飯你點收我$!00呀....你落咩籵落去炒比我食呀，一碟炒飯$100，d小朋友食咗係唔係會考試100分先.....你都真係無改錯名....."太 PRO"!!!
你係諗住賺多d既，你就應該諗個好d既籍口去推咗我地哩單咁細雞既生意，反正我地都無比 deposit ，咁又唔會得失個客仔又唔會攪到大家咁唔 happy....查實你都真係唔識做生意囉，睇嘢睇得咁短線.....
唔好意思又一次長篇大論....
由於今次係有煙花睇所以Peter亦要求每人要多付$50元for煙花匯演，即係每位$250，講真又唔係你自己放既煙花只係妳個地方個view可以看到煙花咁解，不過你係做生意既，又有咁既賣點.....好，我地無問題就每人比多$50睇埋煙花囉....出去租間酒店睇都要比錢喇，係到又有得食又有得睇都無防....咁我地就book咗13個大人3個小朋友，e....有小朋友咁點收錢法呢?因為小朋友實質上食唔到佢d泰國菜喎，因為全部都係辣既，會唔會有另一d安排可以比小朋友食呢，都係打電話問清楚Peter好 d，Peter問我小朋友有幾大，我話一個歲令一個五歲一個九歲，咁佢話如果係咁佢可以唔收錢炒一個唔辣既飯或者粉比小朋友，我話咁好真係多謝晒呀....果時都覺得佢幾好人....
前幾日Peter突然打比我老公，話佢業主大幅加租，所以佢都要將成本價略為提高，咁提高幾多呢.....
私房菜由9月1號開始每位由$200加到去$230，而煙花匯演就由每位$50加到$70.....即係每位一共$300，咁老公話要問問朋友先再覆佢....係老公同我傾既時候我地都有諗佢係唔係依家又有人想要佢個場，而出個價錢高過我地所以加我地價呢，咁我好小人之心諗都有咁既可能架，老公話唔通問佢拎張租單出嚟睇吓係咪真咩....不過唔好理喇，照問吓d朋友仔先啦，睇佢地點囉....
好...朋友仔志在有得出來玩同可以聚一聚所以比多$50都唔係問題，不過老公話Peter同佢傾時無提過有小朋友所以驚佢唔記得我地有3位小朋友，咁我話佢再打比你時你記得再同佢講返我地有3個小朋友而佢之前應承唔收錢炒個飯或者粉比佢地食架....
今晚Peter再打比老公問我地有無問題，以下係佢地既對話
老公 : 無問題$300我地ok，不過我地有3個小朋友架喎你記唔記得?
Peter : um...唔係好記得，咁3個小朋友有幾大呀
老公 : 一個兩三歲兩個六七歲，係唔計人頭錢架嘛
Peter : 哦.....(考慮中)
老公 : 咁3個小朋友食唔到你d咩，因為你d全部都係辣嘢同埋3個都係好細個呀
Peter : 咁d小朋友真係無嘢食架喎
老公 : 其實佢地唔食都得，志在跟埋嚟啫
Peter : 咁我可以炒個飯比佢地食就總共收返$100，因為炒飯我都要落料去炒
老公聽完都打個突，老公話咁好喇我同佢地再講返喇....
之後老公打比我話Peter話個炒飯要收返$100，我話攪錯呀，咁你做咩唔同佢講係佢自己最初應承我話唔收錢架，老公話覺得佢依家樣樣都講錢，一味向錢看，我就把鬼火，比Peter個電話我，等我同佢講....
以下係我同Peter既對話....
我 : Peter，我係林太亦即係林小姐
Peter : 係
我 : 我想話呢當初係我同你落booking既，不過之後我比咗老公同你跟因為佢同你熟d，但你記唔記得我當初同你講時你應承我兔費炒個飯或者粉比小朋友係唔收錢架，你依家要收我$100，之前又加價我好難同朋友交待架....
Peter : 態度180度轉變，我已經收平咗你地架喇
我 : 吓....你點樣收平我地呀，你都係照你開個價去收之嘛
Peter : 咁我由9月1號開始已經加咗價喇
我 : 我知你9月1加價不過係早幾日先知，但我地係6月同你落booking架喎，你依家私房菜加多$30睇煙花加多$20呀嘛，咁我都係比咁多丫你邊有收平我呀
Peter : 我唔怕老實同你講，10月1有其他人想要我個場，出既錢仲高過你地添，你唔好將個focus放係果$100到
我 : 喂...Peter，哩個價係你出既，講真我地嚟係食你個地方啫，你話加到$300我地就比$300，咁我都要同朋友交待架，我要係朋友仔個forum到出公告架，你咁樣好失信於人囉
Peter : 如果係既我一早可以同林生講我唔做添啦
我 : 咁你當然有權唔做我地生意，只不過你唔好口口聲聲都話收平咗我地囉，其實你係一毫子都無平過比我地架...(我心諗，唔好講到我好似要死lur咁呀)
Peter : 你唔好將個focus放係果到
我 : 唔係我要放係邊到既問題，而係你一開始就話收平咗我地，咁你係邊方面收平咗，(我心諗....係你個客開出來個offer大過你開比我地個價，又因為我地book先而最後我都無問題，所以你賺少咗但哩d唔等於收平過我喎....)真係越講越嬲....
Peter : 既然係咁你咁唔開心，咁你地嚟食都唔會開心架喇，咁不如唔好嚟啦 (終於都講出口)
我 : 好....唔緊要，如果你認為你做生意做到咁係岩既，咁我祝你生意興隆囉，我地唔嚟食喇，你去做你既大生意啦，我地個booking取消喇....(cup鬼佢線)
後記 : 做人同做生意都一樣要過得人過得自己，比你賺到哩一畢錢咁又點啫，咪受盡我地既責罵囉....做生意係要講誠信既，你連哩少少都無只顧向錢看，咁你做人同做生意都係得一句.....不知所謂!!!
其實個炒飯你點收我$!00呀....你落咩籵落去炒比我食呀，一碟炒飯$100，d小朋友食咗係唔係會考試100分先.....你都真係無改錯名....."太 PRO"!!!
你係諗住賺多d既，你就應該諗個好d既籍口去推咗我地哩單咁細雞既生意，反正我地都無比 deposit ，咁又唔會得失個客仔又唔會攪到大家咁唔 happy....查實你都真係唔識做生意囉，睇嘢睇得咁短線.....
唔好意思又一次長篇大論....
全站熱搜
留言列表
麵包 (4)