close
今晚走去朗豪坊既Pepper Lunch到食鐵板燒，話就話鐵板燒但個鐵板唔多夠熱，因為出餐時d牛係完全唔熟架，特色就係要你自己煎熟佢呀，又幾好玩喎.....
老公買餐時個收銀員同佢講話如果覺得個板唔夠熱可以拎返去加熱架.....咁...點解唔一早整熱d先比人呢??? 唔通有人鍾意食唔熱既鐵板既....@@
好....去片....哩個係我既霜降牛肉鐵板燒套餐，包一碗白飯一杯飲品，HK$83
煎好後應該係剛剛好七成熟，哩個好正架，d肉好多汁架，可以唔使點佢d醬汁都夠香夠味，老公妳無揀錯呀....
哩個係老公既一口牛肉併漢堡扒鐵板燒套餐，都係包一碗白飯一杯飲品，HK$78
睇到嗎....d肉生架....
不過我鍾意唔太熟既，所以煎埋後面都岩岩好，哩個我覺得麻麻地因為個漢堡扒d肉比較鬆軟無咩口感，不過老公話佢鍾意喎....各有喜好唔使掙呀....
每個鐵板都有一張圓形既紙包圍住，目的係怕d油彈到人又或彈到衫，都幾細心喎.....
一面係logo....
另一面係教你點煎個扒同d菜.....
全站熱搜
留言列表
麵包 (4)