close
剛蒸完
切後版，未煎前
煎完後
妳地睇，我真係落足料架，足料到 Tommy 仔同我姪仔話點解咁多一粒粒架，平時係茶樓食個 d 無咁多架....真係比佢地激死...
出面食就當然無我落得咁多料喇，都唔識嘢既，比 d 好嘢你地食都唔知....
原本上星期六買咗3斤幾蘿蔔諗住星期日係屋企整蘿蔔糕，點知星期六晚收到阿哥來電話星期日去 BBQ，既然係家庭活動就一於應承佢喇....
見 d 蘿蔔都已經放咗幾日開始唔靚仔啦，又加上星期日 BBQ 時又有 d 有機生菜同有機蘿蔔送，所以都有成5斤幾蘿蔔係屋企，一於決定今晚放工返屋企唔煮飯整蘿蔔糕....
話就話放工返去整，點知返到屋企又係唔願郁，最後都係攪到成九點幾十點先開工，我有食物處理器，不過又賺要搵出嚟，又未用過唔識用有排研究又夜都係用人手刨絲算了....
開始時先浸乾瑤柱、蝦米同冬菇，之後蒸熟臘味切粒，將冬菇切粒狀再將乾瑤柱搣成絲....只係攪哩幾 part 都已經攪到十一點幾，有諗過不如留返第二晚先整啦，不過第二晚又約咗班癲人出去食飯，所以都係唔好喇，夜就夜 d 啦，應該都可以好快攪掂既.....
好在屋企有高速煲，我整咗三底共4斤蘿蔔有兩底係用高速煲蒸而一底係用普通鑊蒸，點知用高速煲蒸兩底既時間仲快過一底用普通鑊蒸...
所以哩兩套煲真係無買錯....
最後都要攪到成兩點幾先可以收工，之後洗妹豬廁所自己沖涼，到上床時都已經三點啦....
妳地話我係咪自己攞嚟衰丫...
好在辛苦過後出嚟既結果都唔差，起碼都有人話好食....唔係就真係慘囉....
全站熱搜
留言列表
麵包 (4)