close
今晚去咗中環置地廣場新開間超市 THREE SIXTY 行吓，仲係佢個 FOOD COURT 到食埋晚飯，我同老公兩人叫咗一個 SET + 兩串串燒盛惠 HK$94...之後再去買杯 COFFEE LATTE 再盛惠 HK$28...價錢一般唔算太貴....
不過哩間嘢食就真係唔多掂，開頭老公係到等比錢，個賓賓=CASHIER 又好似無咩意識要收錢，我地 ORDER 既食物因為要燒既所以要等耐 DD...
但佢地又無飛仔或牌仔比人認領，好在我地食飯時人唔太多，所以老公可以企係到等佢出餐....
之後佢整好兩串串燒但個 SET 就未得，所以比咗我地先....點知一拎埋嚟兩串串燒都唔係好熱不過佢又熟架喎...
但個沙爹醬係又凍又乾好似係雪櫃到拎出嚟咁....
好....到有餐喇，個賓賓 CASHIER 見我地兩個人就好好人咁問佢係唔係要 MORE RICE 呀，當然喇重使問既....
佢畢好晒 D 菜呀飯呀主菜個燒排骨呀咁老公就諗住比錢啦，點知個賓賓仲係傻吓傻吓咁以為我地已經比咗錢，我地係老實人唔會厄佢個一佰幾拾既....一心諗住等咗咁耐終於可以有得食喇，點知一食第一啖飯竟然係微暖既，有無攪錯呀....飯都會唔熱既點攪架....
真係無下次囉....收錢係賓賓，執餐出餐又係個賓賓，咁大間公司點解咁都唔識分配人手架....好在今晚唔多人啫如果唔係就真係一片混亂....其實當時都有少少亂架喇....
就係因為咁所以食咗都好似無咩食過嘢，返到屋企即刻整返個蕃薯糖水頂吓肚先....
10分鐘 D 蕃薯已經淋晒喇....依家幾時想食糖水都可以即刻煲....真好...
全站熱搜
留言列表
麵包 (4)