close
入咗伙都成3個幾4個月了，一直都諗住用住業主留比我地既餐枱同梳化先，不過間唔中我同老公都心思思就去傢俬舖到睇吓有咩款式岩我地，不過睇咗咁耐都唔岩，因為我地要求都幾高架
琴日同老公行花園街，本來目的係買草比妹豬同埋幫Tommy仔買返d底衫，點知成條花園街塞滿人，見人多咪兜去洗衣街再轉返入去囉。
點知比我地行經一間室內設計公司，係廚窗見到佢入面有一張餐枱好似幾靚咁就走入去睇睇啦，點知一睇我就鍾意咗，不過價錢都幾貴成$4,550，家陣咩環境呀重賣咁貴
之後走咗諗住返去再度清楚尺寸先買，琴晚模擬咗張餐枱出來既效果都ok應該唔會好大張，咁我個廳就應該可以再闊落d
今日再走多轉新世紀同沙田既傢俬舖睇吓有無新貨，最後都無發現再坐火車返旺角決定買琴日張餐枱
問過老公張枱都幾貴，佢話算啦，難得我一睇就岩，因為都搵咗幾耐吓啦，所以唔好再諗咁多，免得夜長夢多一陣又三心兩意呀
因為張枱係間設計公司自己設計而唔係一大批造出來既款式所以我地就算買佢都係要幫我地訂造，亦因為咁佢話個成本都好高佢只係減咗$50蚊齊頭$4,500比我咋，算啦，係千金難買心頭好既心理下都照買
依家只希望哩間唔係傢俬黑店啦，希望佢準時3個星期後可以送枱比我，雖然我唔趕用但錢已經比了所以都希望萬無一失啦
哩兩日我地都促進咗香港唔少經濟架，洗咗成皮嘢架啦
下一個目標就到梳化了
全站熱搜
留言列表
麵包 (4)