搵銀行－Feel Great

由於大訂已過，所以要好著急咁去搵銀行做按掲了
原來居屋係唔可以係一般網上銀行到做估價既，所以我買哩層樓到唔到價都無得即時可以知道，一定要交足文件去銀行再等銀行出個估價比我，所以時間要耐DD，有D擔心估唔足價咁就慘了，我要自己拎個差價出來，咁就又會失咗少少預算囉
係買樓時睇好多FORUM D人話居屋都可以上到25年會，只要入息無問題就可以了，又有D人話唔係，一定要減樓齡，富榮樓齡成10年，咁最壞既打算係只可以上15年會，阿Q D咁快D供完都係一件好事來的

好...又要發揮小妹精神，話做就做，前日一共行走咗5間銀行，渣打，恆生，永享，道享，同大新....琴日就去埋永隆，建設，工商，中銀同匯豐，全部得出既結果都係一定要減樓齡，即係只可以上15年會，咁都無計15年就15年啦，快手D攪掂佢

今日收到恆生既回覆，真係快但佢竟然話估唔足喎，差咗5萬蚊，都好...只係差5萬咪最多自己比出來囉....點知地產AGENT又話可以介紹銀行比我，仲要係已經幫我估埋價到價有多無問題可以即時攪手續上會，我心諗你咁好既，係唔係有佣分架，律師又你介紹銀行又你介紹，不過唔理啦總知唔洗我煩，又打去佢介紹既渣打同某位小姐聯絡，佢有晒卡片比我，佢OFFER既TERMS又同出面一樣應該唔會有問題呱，咁我就一於安心搵哩個渣打姐姐幫我上會了